ഹ്രസ്വ -ദീർഘദൂര റൂട്ടുകളിൽ ദിനം തോറും നിരവധി ട്രെയിനുകൾ സഞ്ചരിക്കുന്നു.വിവിധ നിരക്കുകളിലാണ് ഇവയിലെ ടിക്കറ്റ് നിരക്കുകൾ.

എന്നാല്‍ യാത്രക്കാര്‍ക്ക് തികച്ചും സൗജന്യമായി യാത്ര വാഗ്ദാനം ചെയ്യുന്ന ഒരു ട്രെയിനുണ്ട് നമ്മുടെ രാജ്യത്ത്. അതും കഴിഞ്ഞ 73 വര്‍ഷമായി പ്രവര്‍ത്തിക്കുന്നു എന്ന് കേള്‍ക്കുമ്പോൾ ആശ്ചര്യം തോന്നാം. പക്ഷേ സംഭവം സത്യമാണ്.ഭക്ര-നംഗല്‍ ട്രെയിന്‍ എന്നാണ് ഇത് അറിയപ്പെടുന്നത്.

ഈ ട്രെയിനിലെ യാത്ര തികച്ചും സൗജന്യമാണ്. ഈ ട്രെയിന്‍ പഞ്ചാബിന്‍റെയും ഹിമാചല്‍പ്രദേശിന്‍റെയും അതിര്‍ത്തികളിലൂടെയാണ് ചൂളംകുത്തി പായുന്നത്. 25 ഗ്രാമങ്ങളുടെയും 300 ഓളം യാത്രക്കാരുടെയും പ്രധാന ആശ്രയമാണ് ഈ ട്രെയിന്‍.മലനിരകള്‍ക്കിടയിലൂടെ 13 കിലോമീറ്റര്‍ ദൂരമാണ് ട്രെയിന്‍ സഞ്ചരിക്കുന്നത്.

1948 ലാണ് ഭക്ര-നംഗല്‍ റെയില്‍ പാത പൂര്‍ത്തിയായത്. ലോകത്തിലെ ഏറ്റവും ഉയരം കൂടിയ സ്ട്രെയിറ്റ് ഗ്രാവിറ്റി അണക്കെട്ടായ ഭക്ര-നംഗല്‍ അണക്കെട്ട് നിര്‍മ്മിക്കുന്ന അവസരത്തിലാണ് ഇതിന്‍റെ സര്‍വീസ് ആരംഭിച്ചത്.ഭക്ര-നംഗൽ അണകെട്ടിന്‍റെ നിർമ്മാണ സമയത്തു ഭക്രയ്ക്കും നംഗലിനുമിടയിൽ മറ്റു ഗതാഗത സൗകര്യങ്ങൾ ഇല്ലായിരുന്നു.

അണകെട്ടിന്‍റെ നിർമ്മാണത്തിനാവശ്യമായ യന്ത്രങ്ങളും സാധന സാമഗ്രികളും തൊഴിലാളികളെയും കൊണ്ടുപോകുന്നതിനാണ് ഈ പാത നിർമ്മിച്ചത് . അണക്കെട്ടിന്‍റെ നിര്‍മ്മാണം 1963 -ല്‍ പൂര്‍ത്തിയായി.

ട്രെയിന്‍ ആദ്യം സ്റ്റീം എഞ്ചിനുകള്‍ ഉപയോഗിച്ചാണ് ഓടിയിരുന്നത്. പിന്നീട്1953-ല്‍, അമേരിക്കയില്‍ നിന്ന് മൂന്ന് പുതിയ എഞ്ചിനുകള്‍ ഇറക്കുമതി ചെയ്തു.അതിനു ശേഷം ഇന്ത്യൻ റെയിൽവേ അഞ്ച് പുതിയ മോഡൽ എൻജിനുകൾ അവതരിപ്പിച്ചിട്ടുണ്ടെങ്കിലും ട്രെയിന്‍ ഇപ്പോഴും 60 വര്‍ഷം പഴക്കമുള്ള ആ പഴയ എന്‍ജിന്‍ ഉപയോഗിച്ച്‌ തന്നെയാണ് ഓടുന്നത്.

എഞ്ചിന്‍ മണിക്കൂറില്‍ 18 മുതല്‍ 20 ലിറ്റര്‍ ഡീസലാണ് ഉപയോഗിക്കുന്നത്. കൊളോണിയല്‍ കാലത്തെ തടി ഉപയോഗിച്ചാണ് ട്രെയിനിലെ ബെഞ്ചുകള്‍ നിര്‍മ്മിച്ചിരിക്കുന്നത്. ട്രെയിനിന്‍റെ കോച്ചുകളാകട്ടെ കറാച്ചിയിലാണ് ഉണ്ടാക്കിയിരിക്കുന്നത്.

നംഗല്‍ റെയില്‍വേ സ്റ്റേഷനില്‍ നിന്ന് രാവിലെ 7:05 ന് പുറപ്പെടുന്ന ട്രെയിന്‍ രാവിലെ 8:20 ന് ഭക്രയില്‍ എത്തിച്ചേരും. ഭക്രയില്‍ നിന്ന് വൈകിട്ട് 3:05 ന് പുറപ്പെട്ട് 4:20 ന് നംഗല്‍ എത്തുന്നു.ദിവസേനയുള്ള യാത്രക്കാർക്കു പുറമേ ബി.ബി.എം.ബി. ജീവനക്കാർ, സ്‌കൂൾ വിദ്യാർഥികൾ, സന്ദർശകർ എന്നിവർ ഇപ്പോഴും ട്രെയിൻ സർവീസ് ഉപയോഗപ്പെടുത്തുന്നുണ്ട്.

ട്രെയിന്‍ സര്‍വീസിന്‍റെ മേല്‍നോട്ടം വഹിക്കുന്നത് ഭക്ര ബിയാസ് മാനേജ്‌മെന്‍റെ ബോര്‍ഡാണ്. 2011-ല്‍ ട്രെയിന്‍ ഓടിക്കാന്‍ വേണ്ടി വരുന്ന ചെലവ് കണക്കിലെടുത്ത് സൗജന്യ സേവനം അവസാനിപ്പിക്കാന്‍ ഒരാലോചന ഉണ്ടായിരുന്നു.

ഒരു വരുമാന സ്രോതസ്സ് എന്നതിനേക്കാള്‍ കൂടുതലായി പാരമ്പര്യത്തിന്‍റെയും , ചരിത്രത്തിന്‍റെയും ഭാഗമായ ഈ ട്രെയിന്‍ സർവീസ് അവസാനിപ്പിച്ചില്ല. അതിനാൽ ഇപ്പോഴും ഭക്ര-നംഗല്‍ ട്രെയിന്‍ ചൂളം കുത്തി കാലത്തിന്‍റെ പാതയില്‍ പഴമയുടെ ചരിത്രവും പേറി കുതിച്ച്‌ പായുന്നു.

അങ്ങനെ ചരിത്രത്തിന്‍റെ ഭാഗമായ ഭക്ര – നംഗൽ ട്രെയിൻ ടിക്കറ്റില്ലാതെ നിയമവിധേയമായി രാജ്യത്ത് യാത്ര ചെയ്യാവുന്ന മാർഗമായി അവിശേഷിക്കുന്നു.

The post എല്ലാ യാത്രക്കാർക്കും സൗജന്യ ട്രെയിൻ യാത്ര ! appeared first on top1kerala.

കാലക്രമേണ കേടുപാടുകൾ തീർക്കുവാനുള്ള സൗകര്യക്കുറവും വില കുറഞ്ഞ വിവിധ ലോഹ,പ്ലാസ്റ്റിക് ടാപ്പുകളുടെ കടന്നുവരവോടെ ഇത്തരം ടാപ്പുകൾ അപ്രത്യക്ഷമായി. ജെ. പി. സുബ്രഹ്മണ്യ അയ്യർ എന്ന മലയാളിയാണ് ഈ ടാപ്പ് വികസിപ്പിച്ചെടുത്തത്.

ജെ. പി. സുബ്രഹ്മണ്യ അയ്യർ തിരുവിതാംകൂർ-കൊച്ചി സംസ്ഥാനത്ത് ഇൻഷുറൻസ് ഓഫീസറായി സേവനമനുഷ്ഠിച്ച കാലത്ത് റോഡ് സൈഡിൽ വാട്ടർ ടാപ്പുകൾ ഉപയോഗശേഷം ആളുകൾ കൃത്യമായി അടക്കാത്തത് മൂലം ധാരാളം വെള്ളം പാഴായിപ്പോകുന്നത് അദ്ദേഹത്തിന്‍റെ ശ്രദ്ധയിൽപ്പെട്ടിരുന്നു.

ഈ പ്രശ്നം എങ്ങനെ പരിഹരിക്കാമെന്ന് നിരന്തരം ചിന്തിച്ചു കൊണ്ടിരുന്ന അദ്ദേഹം ചില എഞ്ചിനീയർ സുഹൃത്തുക്കളുടെ സഹായത്തോടെ ഒരു ടാപ്പ് ഉണ്ടാക്കി. പിന്നീട് ടാപ്പുകളുടെ പ്രവർത്തനക്ഷമത കൂടുതൽ മെച്ചപ്പെടുത്തുകയും ഈ ടാപ്പ് ഡിസൈന് പേറ്റന്റ്നേടുകയും ചെയ്തു.

പിന്നീട് സുബ്രഹ്മണ്യ അയ്യർ കരമനയിൽ ഒരു ഫാക്ടറി സ്ഥാപിച്ച് വൻതോതിൽ ടാപ്പ് നിർമ്മാണം ആരംഭിച്ചു. പിന്നീട് അദ്ദേഹം നിർമ്മാണശാല കോയമ്പത്തൂരിലേക്ക് മാറ്റി.

‘ഹൈഡ്രോ പ്ലാൻ’ എന്ന ഒരു ജർമ്മൻ കമ്പനി ഇന്ത്യയിലും ശ്രീലങ്കയിലും ഒഴികെ ലോകമെമ്പാടും ടാപ്പ് നിർമ്മിക്കാനും വിൽക്കാനുമുള്ള അവകാശം അയ്യരുടെ കയ്യിൽ നിന്ന് വാങ്ങിയതോടെ യൂറോപ്പ്, ഇംഗ്ലണ്ട്, ജപ്പാൻ തുടങ്ങി ലോകത്തിന്‍റെ വിവിധ ഭാഗങ്ങളിൽ ജെയ്‌സൺ ടാപ്പിന് പ്രചാരമുണ്ടായി.

ജീവിത രീതിയിലെ വ്യത്യാസവും വീടുകളിലേക്കുള്ള ജലവിതരണവും കുപ്പികളിൽ വരുന്ന കുടിവെള്ളത്തിന്‍റെ സ്വീകാര്യതയും റോഡുകളിലെ പൊതുടാപ്പുകളുടെ എണ്ണത്തിൽ കുറവുകൾ വരുത്തി.അപൂർവ്വമായുള്ള പൊതുടാപ്പുകളും ജെയ്‌സൺ ടാപ്പുകൾ ഉപയോഗിക്കാതായി.

എന്നിരുന്നാലും ട്രെയിനുകൾക്കുള്ളിലും സ്റ്റേഷനുകളിലും ഇന്ത്യൻ റെയിൽ‌വേ ഇപ്പോഴും ജെയ്‌സൺ വാട്ടർ ടാപ്പുകൾ ഉപയോഗിക്കുന്നുണ്ട്.ചെറിയ തരം സ്റ്റീൽ ജെയ്സൺ ടാപ്പുകൾ ഇപ്പോൾ വിപണിയിൽ ലഭ്യമാണ്.

The post മൺമറഞ്ഞുപോയ ജെയ്‌സൺ വാട്ടർ ടാപ്പ് appeared first on top1kerala.

WAP 4

ഒരുപക്ഷേ ഏറ്റവും കൂടുതല്‍ കണ്ടിട്ടുള്ള ലോക്കോ ഇതായിരിക്കും.. ഏറ്റവും വിജയകരമായ പാസഞ്ചര്‍ ലോക്കോമോട്ടീവ്. എണ്ണത്തില്‍ ഏറ്റവും അധികമുള്ള പാസഞ്ചര്‍ ലോക്കോമോട്ടീവും ഇതാണ്.

എഴുനൂറ്റി അന്‍പതിന് മുകളില്‍ വരും ഈ ഇലക്ട്രിക് ലോക്കോകളുടെ മൊത്തം അംഗസംഘ്യ.

1993 ഡിസംബറില്‍ വെസ്റ്റ് ബംഗാളിലെ ചിത്തരഞ്ജന്‍ ലോക്കോമോട്ടിവ് വര്‍ക്ക്സിലാണ് ആദ്യമായി ഈ ലോക്കോമോട്ടിവ് പുറത്തിറക്കുന്നത്.

2015 ഡിസംബറില്‍ അവസാനത്തെ WAP 4 ഉം ഇറങ്ങി. മുകളിലെ 25 കിലോവോള്‍ട്ട് AC (ആള്‍ട്ടര്‍നേറ്റിവ് കറണ്ട്) ഓവര്‍ഹെഡ് ഇലക്ട്രിക് ലൈനില്‍ നിന്നും ലോക്കോയ്ക്ക് മുകളില്‍ സ്ഥാപിച്ചിരിക്കുന്ന രണ്ട് പാന്‍റോഗ്രാഫുകള്‍ (ഒരു സമയം ഒരെണ്ണം) വഴി വൈദ്യുതി എടുത്താണ് അകത്തെ ട്രാക്ഷന്‍ മോട്ടര്‍ പ്രവര്‍ത്തിപ്പിക്കുന്നത്.

രണ്ടു ക്യാബിനുകള്‍ ഉള്ള ഇവയ്ക്ക് ആദ്യകാലങ്ങളില്‍ ബോഡിയുടെ മധ്യഭാഗത്തായിരുന്നു ഹെഡ്ലാംപുകള്‍ (Mid mount) ട്രാക്കിലേക്കുള്ള കാഴ്ച കുറവാണെന്ന കാരണത്താല്‍ പിന്നീട് റൂഫില്‍ മധ്യഭാഗത്തേക്ക് മാറ്റി പണിയുകയായിരുന്നു.

ചില ലോക്കോകളില്‍ വിന്‍ഡ്ഷീല്‍ഡ് വാഷറും, റിയര്‍വ്യൂ മിററുകളും അവസാനം ഇറങ്ങിയ യൂണിറ്റുകളില്‍ ഡിജിറ്റല്‍ ഡിസ്പ്ലേ മീറ്ററുകളും മറ്റും ഫിറ്റ് ചെയ്തിട്ടുണ്ട്. മുന്നേ ഇറങ്ങിയ WAP 1, WAP 3, WAP 6 എന്നീ ലോക്കോകള്‍ മാറ്റങ്ങൾ വരുത്തി WAP 4 ആയി മാറ്റിയ ചരിത്രവും റെയില്‍വേയ്ക്കുണ്ട്.

112 ടണ്‍ ഭാരവും 5350 ഹോഴ്സ്പവറും ഉള്ള ഇവര്‍ക്ക് 140kmph വരെ വേഗം കൈവരിക്കാനാവും, അതായത് 24 കോച്ചുകളുള്ള എക്സ്പ്രസ്സ് ട്രെയിനുകള്‍ WAP4 ബുദ്ധിമുട്ടില്ലാതെ വലിച്ചോണ്ട് പോവും.

ആദ്യം ഇറങ്ങിയ WAP 4 കളേക്കാള്‍ അവസാനം ഇറങ്ങിയ ബാച്ചുകളലിലുള്ളവ സാങ്കേതികമായി കുറച്ചുകൂടി മികച്ചത് ആയിരുന്നു, ഇവയ്ക്ക് മൈക്രോപ്രൊസ്സസര്‍ ഫിറ്റഡ് ഡയഗ്നോസര്‍, സ്റ്റാറ്റിക് കണ്‍വേര്‍ട്ടര്‍ യൂണിറ്റ്, റൂഫ് മൗണ്ടഡ് ഡൈനാമിക് ബ്രേക് റെസിസ്റ്റര്‍ എന്നിവയുണ്ടായിരുന്നു.

സില്‍വര്‍ നിറത്തിലുള്ള റൂഫും ചുവന്ന ബോഡിയില്‍ മഞ്ഞ ബാന്‍ഡും വരുന്നതാണ് WAP 4 ന്റെ പെയിന്‍റ് ലിവറി. പല വര്‍ക്ഷോപുകള്‍ മെയിന്‍റനന്‍സ് സമയത്ത് റീപെയിന്‍റ് ചെയ്യുമ്പോള്‍ ഈ ചുവപ്പ്, ക്രിംസണ്‍ റെഡ്, ബ്രിക് റെഡ്, ഡാര്‍ക്ക് ഓറഞ്ച്, മെറൂണ്‍, റെഡ്ഡിഷ് ബ്രൗണ്‍ എന്നിങ്ങനെ ചെയ്യാറുണ്ട്.

എന്നാൽ കൂടുതലും ചുവപ്പ് ആണ്. ഇരുപതോളും ഷെഡ്ഡുകള്‍ക്കാണ് നിലവില്‍ WAP 4 അലോട്ട് ചെയ്ത് കൊടുത്തിരിക്കുന്നത്. കേരളത്തില്‍ ഇലക്ട്രിക് ലോക്കോ ഷെഡ് ഇല്ലാത്തതിനാല്‍ സ്വന്തമായി WAP4 ഇല്ല. കേരളത്തിന്റെ ഏറ്റവും അടുത്ത് കിടക്കുന്ന WAP 4 ഷെഡ്ഡുകള്‍ തമിഴ്നാട്ടിലെ ഈറോഡ്, അരക്കോണം എന്നിവയാണ്.

അതുകൊണ്ടുതന്നെ ഇവിടെ ഏറ്റവും കൂടുതല്‍ കണ്ടുവരുന്ന WAP 4 കള്‍ അവരുടേതാണ്. പണ്ടൊക്കെ പ്രീമിയം വണ്ടികളായ രാജ്ധാനി, ശതാബ്ദി എന്നിവ സ്ഥിരമായ് വലിച്ചുകൊണ്ടിരുന്നത് WAP4 ആണ്. പിന്നീട് കൂടുതല്‍ പവറുള്ള WAP 5, WAP 7 എന്നിവയൊക്കെ ഇറങ്ങിയപ്പോള്‍ WAP4 ഈ വണ്ടികളിൽ ഉപയോഗിക്കുന്നത് കുറഞ്ഞു.

എന്നാലും ഇപ്പോഴും ഇടയ്ക്ക് WAP 4 ഒക്കെ രാജ്ധാനിയുടെ കൂടെ കാണാം. മെയില്‍, എക്സ്പ്രസ്സ്, സൂപ്പര്‍ഫാസ്റ്റ്, പാസഞ്ചര്‍ ഒക്കെയായിട്ടാണ് WAP4ന്റെ പ്രധാന സഞ്ചാരം.

Loco varients :
WAP 4E – Locos fitted with electronic sensors for sensing pressure loss in pipes

Loco sheds holding WAP 4 :ഈറോഡ്, അരക്കോണം, വിജയവാഡ, വിശാഖപട്ടണം, സാന്ദ്രഗച്ചി, ഗോണ്ട, ഹൗറ, ലുധിയാന, മുഗൾസാരായി, കാൺപൂർ, തുഗ്ലകാബാദ്, ഗാസിയാബാദ്, വഡോദര, ഭൂസാവൽ, വൽസാദ്, ഇറ്റാർസി, ത്സാൻസി, അസൻസോൾ

Abbreviation :
W – Wide/Broad gauge
A – AC Electric traction
P – Passenger class
4 – Fourth model used

തുടരും…

The post തീവണ്ടി എൻജിൻ അഥവാ ലോക്കോയെ പരിചയപ്പെടാം. appeared first on top1kerala.